L’ORS AL RIVE JÚ IN CULINE PAR CIRÎ LA MÎL

"Intant che i stavi controlant il bôç che i vevin sistemât daprûf dai dipuesits di grave dongje al flum intal Comun di Osôf - al conte l'apicultôr Renato Garibaldi - mi sei cjatât di front a siet bôçs vierts e distruts; subit i ai pensât a cualchi bravade di fruts, ma dopo lant indevant viers sud, encje chei aitis bôç posizionâts intal parc osovan a vevin subît il stes tratament, cussì tant che a Curnin. Alore i ai pensât a cualchi robarie, cussì tant che al è capitât intai dîs passâts a Gurize, dulà che a son sparîts une trentine di bôçs, ma dopo intal paltan i ai cjatât olmes no spiegabiles; i ai clamât la Forestâl di Glemone e i vin capît cui che al ere il lari - al testemonie Garibaldi-: al è stât un ors a freâmi la mîl e a comprometi la produzion". Un dam no encjemò stimât economichementri, ma che intal concret al à comprometût 20 bôçs. A è rivade cun chest episodi encje une notizie positive: la nature cul so ecuilibri nonostant dut a resist, parcè che da che mont e mont l'ors al à simpri mangjât la mîl.

PALUCE, L’ASSESSÔR RICCARDI AL DA ASSICURAZIONS SU LA VIABILITÂT

L'assessôr regjonâl a Mobilitât e Infrastrutures di traspuart al à incontrât a Triest il sindic dal Comun cjargnel, Elia Vezzi. A riunion a àn partecipât encje i conseîrs regjonâi Franco Baritussio e Luigi Cacitti. Il sindic al à in particolâr sotliniât la impuartance di completâ i lavôrs dal puint sul torent Pontaibe, che al coleghe il centri cu la frazion di Testeons, une opare za començade cui fonts da Protezion Civîl e cun risorses propries dal Comun. A son stâts encje esaminâts aitis intervents, tant che la sistemazion da strade pa frazion di Cleulis. Intal cors da riunion, che a è coventade par esaminâ las pussibilitâts di realizazion di chescj lavôrs, l'assessôr Riccardi al à confermât la disponibilitât da Aministrazion regjonâl, ricuardant la sô atenzion particolâr pai problemes da aree montane dal Friûl Vignesie Julie.

E JE NASSUDE FRIULMONT, SOCIETÂT CREADE PAR RILANÇÂ IL SETÔR DAL LAT E CASEARI DE MONT

A è nassude Friulmont, la societât consortîl che a varà il compit di rilançâ il setôr dal lat e caseari da mont furlane. Las lataries cooperatives di Sudri, Denemonç, Ovâr, Paulâr, Vençon, Campolessi, Ugovizza, il Consorzi Prodots da Mont FVG e Agemont SpA a àn di fat sotscrit a Damâr, li da sede di Agemont SpA, l'at costitutîf da nove societât. "Meti adun impreses di divierse colocazion teritoriâl e cun problematiches spes leades a singule realtât aziendâl nol è stât facil - al à spiegât Alberto Felice De Toni, president di Agemont SpA -. I crodin però che a chest travuart, volût e sostignût da aministrazion regjonâl e, in particolâr, dal assessôr a Agriculture Claudio Violino, al rapresente un nûf mût di lavorâ intal setôr. Sodisfazion pa iniziative a è vignude encje dal nûf president da societât, Luciano Mazzolini: "Friulmont si ocuparà da comercializazion, da promozion e da valorizazion dai prodots dai socis".

COMUNICÂT STAMPE

Al Comun di Rigulât al è stât assegnât un contribût di 200.000 € pa realizazion di intervents straordenaris di protezion civîl intal ambit dal teritori comunâl par consolidâ il puint di acès a frazion Magnanins e par tornâ a meti adun la sezion di deflùs dal riu che lu travierse. Il stanziament al è stât comunicât al Sindic di Rigulât, Fabio D'Andrea, diretementri dal assessôr regjonâl a Protezion Civîl Riccardo Riccardi. La domande di intervent urgjent, che a ere stade presentade da aministrazion locâl, a è stade subit fate buine da Regjon, daûr di un sorelûc puntuâl dai tecnics da Protezion Civîl.

CONSEI, FATE BUINE LA SOPRESSION DE ATO DE AGHE

Sopression da Autoritât di ambit teritoriâl (Ato) dal servizi idric integrât e atribuzion das funzions relatives e das competences a Provincie. Al è il titul dal ordin dal dì presentât dai cjâfs grup di maiorance Matteo Piasente (Lega), Renato Carlantoni (Pdl) e Beppino Govetto (Udc) che, cui emendaments introdots intal cors da discussion di bande da maiorance e da minorance, a è stade fate buine a unanimitât. Plene condivision su chest teme, ma encje su la delibare relative ai contrats derivâts finanziaris.

 

LA BURGO E RITIRE IL SO PROGJET PAR INTIERÂ L’ELETRODOT

Su cheste notizie al interven il conseîr regjonâl Enio Agnola. "I vevin prometût che i voressin veglât parcè che al vignìs rispietât il principi esprimût intal ordin dal dì - al spieghe - e las notizies recents su la rinuncie da Burgo nus àn metût in alarme. Ciert, nome un progjet al à di jessi puartât indevant, ma al devi rivuardâ l'imbonidure". Il conseîr al veve presentât in Aule, intal Març passât, une mozion dulà che si domandave la imbonidure dal eletrodot. Mozion che, insieme cuntune simile presentade da Lega Nord, a veve fat cambiâ la linie da maiorance, che prime a ere orientade viers la soluzion aerie. Cun di plui, al ere stât fat bon l'impegn a minimizâ il plui pussibil l'impat paisagjistic e ambientâl, gjavant las linies esistints. Dopo la mozion a ere stade ritirade, sostituide di un ordin dal dì fat bon das maiôrs fuarces politiches.

 

ELETRODOT. TONDO AE BURGO: “AGREGÂSI CUN ALPE ADRIA ENERGIA”

Il President da Regjon, Renzo Tondo, al à convocât a Tumieç un incuintri cui dirigjents dal ram energjie di Burgo Grup e i socis di Alpe Adria Energia, par verificâ il percors di atuâ in merit al eletrodot Wurmlach-Samblâc. La Burgo a à ribatut cuntune comunicazion uficiâl la rinuncie a lâ indenant intal so progjet e a si è riservade di valutâ la pussibilitât di aderî a chel di Alpe Adria Energia. La societât, su invît dal President Tondo, a à di fat formalmentri domandât a Burgo la adesion al propri percors progjetuâl. "La Regjon - al à sotliniât Tondo - a considere strategjic e di rilevant interès regjonâl e public il progjet presentât da Alpe Adria Energia".

I COMITÂTS CUINTRI L’ELETRODOT: “NO ACETIN IMPOSIZIONS”

"Cumò a è une cuestion di orgoi e di dignitât. Las comunitâts a àn plenes las scjatules di cheste politiche al servizi di se stesse". E encje i sindics a ribatin la necessitât di une linie intierade, dopo il ritîr dal progjet Burgo. "Se Tondo al pense che i acetarin, nonostant dut, la imposizion di un eletrodot aeri, si sbalie dal dut. Cumò a è une cuestion di orgoi e di dignitât. Insisti su la strade da imposizion das roubes, oltri a jessi impopolâr, al prodûs efiets pericolôs par dute la Comunitât che a è stufe di cheste politiche al servizi di se stesse". Renato Garibaldi, leader di Carniainmovimento, un dai comitâts contraris al passaç di un eletrodot in Cjargne, al comente cussì la notizie dal ritîr dal progjet intierât Burgo e da mediazion che il President da Regjon al sta puartant indevant tra i grup industriâi che lu proponin. "In gracie dal lavôr diplomatic di Tondo - al comente Garibaldi - i sin di front a tratatives di industriâi che a dismentein, tant che al sarès normâl pensâ, il coinvolziment das popolazions".

“NO TRASFERÎ LIS COMPETENCIS DE MONT AE PROVINCIE”

"Comissariâ e sierâ las Comunitâts Montanes al è viodût cun plasei dal PDL, ma no si pues gjavâ a zone montane las sôs competences in favôr das Provincies". A afermâlu a son i conseîrs regjonâi dal PDL, Luigi Cacitti e Paolo Ciani. Cun di plui i doi esponents a sotliniin, encje su la fonde dai incuintris che a àn vût cui sindics dai Comuns montans, la oportunitât di mantegni in mont la gjestion di competences relatives a cheste aree. "Nol è pensabil - a precisin - stabilî un trasferiment totâl das competences a Provincie, soredut par chel che a rivuarde Udin, che a è une provincie particolarmentri grande e a risulte in dificoltât cuant che a à di esercitâ pal miôr las competences che a son za a so caric". "A van pensades, duncje, entitâts avonde grandes, che a ricevaran dai Comuns montans determinades competences, par garantî la eficacie dai servizis che a saran atribuîts e che a varan un valence gjestionâl sorecomunâl, in zonte as competences che prime a erin a caric das Comunitâts Montanes".

ENORE PICCO AL TORNE A VÊ UN INTERÈS PE MONT

"Las declarazions dal leghist Enore Picco, su la riforme das comunitâts montanes e sul sisteme das autonomies locâls, a son posizions cjapades di un coleghe che, in chescj doi agns di mandât, si è distint plui pa promozion das cjalderies che par jessisi ocupât da Regjon intal so complès". A rispuindi as declarazions dal conseîr leghist a son i conseîrs regjonâi dal PDL Luigi Cacitti e Paolo Ciani. "Il Popul das Libertâts al pense che inta riforme dal sisteme dai ents locâi da Regjon a scuegnin assoludementri restâ in caric ai Comuns las sieltes di gjestion e di afidament dai servizis. Ipotizâ di dâ as Provincies nûfs compits in sostituzion dai Comuns al significhe jessi anti-federaliscj e no capî che las Provincies no son simpri intas condizions di davuelzi las funzions in non e par cont dai Comuns; encje e soredut la Provincie di Udin".

LA SCUELE DI MONT E VÛL INTRODUSI LIS GRADUATORIIS REGJONÂLS?

"Achì in mont las pluriclasses a stan deventant di ecezion a regule - al comente Pellizzari, dirigjent scolastic dal glemonat - i dovìn lavorâ in otiche propositive e no zuiâ simpri in difese, altrimentri i lin incuintri a une vere catastrofe". La propueste dal president a è contignude in un document unitari che al conten encje ates richiestes, che il mont scolastic da Alte Furlane, adun ai sindics e ai assessôrs provinciâi Faleschini e Lizzi, al à inviât in chescj dîs in Regjon e al Ufici Scolastic regjonâl". "Il nosti resonament al partìs dal fat ogjetîf che, gjavant Tumieç, Vile, Paulâr e Davâr, ducj i aitis comuns pal prossim an scolastic a varan scueles primaries cun 2 o adiriture 1 pluriclasse - al fâs notâ Pellizzari -: par chest motîf i vin la necessitât di domandâ a Regjon un centri di guvier dal mont scolastic a livel locâl che nol devi plui spietâ las diretives di Triest, ma al sepi cjatâ e meti in pratiche un model didatic e organizatîf adeguât ai nûfs senaris dal teritori, tra numar di students e risorses simpri plui basses".

 

RIGULÂT, INAUGURADE UNE PLACE E NEGOZIS GNÛFS

Inta nove place pedonâl e veicolâr, propit intal centri di Rigulât, a è stade inaugurade une struture a servizi das impreses locâls, finide nome di cualchi setemane. Un edifici imponent che al ospite al plan teren la nove panatarie, tornade a vierzi propit pa ocasion dopo cuatri agns; simpri al plan teren a à tornât a començâ la sô ativitât la becjarie di Michele Bacchetta, che dopo nûf agns si è viodude afidâ une nove sale, dopleant il spazi di lavôr. Al prin plan da struture a son stâts realizâts doi nûfs apartaments, che a son stâts assegnâts a dôs famees dal puest. Inta stesse zornade, si è procedût encje a inaugurâ la nove sede da farmacie, che prime a ere intun lûc provisori. Une zornade di fieste grande, a presince di tantes persones e di numeroses autoritâts civîls e religjoses.

 

JESSI DONADÔR DAL SANC: PAR TONDO UN DOVÊ SOCIÂL

"Cumò i fâs un pouc di publicitât al don dal sanc. Dîs fa mi soi alçât prest e, stant che a erin cinc meis che no lu fasevi, i soi lât al centri di trasfusion dal ospedâl di Tumieç pa mê donazion periodiche di sanc. Za as 7.45 di buinore a 'nd ere int in file che a spietave di podei donâ, numeroses las femines e encje i zovins. Biele robe! Mi "sei zovât" dal gno status presidenziâl (in maniere naturalmentri spiritose) cul personâl (simpri zentîl e preparât) e cui donadôrs in spiete, che mi àn lassât saltâ la file e fâ subit la donazion. Par dî il vêr i ai cjatât un biel grup di operadores sanitaries, vuidades da dotore Cristina Gallizia, une siore simpri disponibil e zentîl oltri che professionalmentri infalibile. Compliments!". Firmât Renzo Tondo.